اؤن سؤز: وطن توپراغینی قو۫روماق هر بیر وطنداشین اساس گؤرویدیر. بو اۆزدن آنا وطن توپراغینی قو۫رویان هرکس سایقی دَیردیر. بو اساسدا گؤرَو باشیندا اولان بیر سیرا سیٛنیرقو۫روما (مرزبانی) عسگری ترورلا ساواشارکن جانلارینی الدن وئرمهسی و ترور قارشیسیندا تؤکولن هر بیر دامجی قان عزیز ساییلمالی و اونا سایقی ایله یاناشیلمالیدیر. قیروو (آبان) آیین 12-جی گونو ایرانین سینیر آلایی (هنگ مرزی)، پژاک آدلی کورد ترور اؤرگوتو ایله چاتیشمایا گیریب و 8 عسگر جانینی الدن وئریبدیر. بو اولایین 40-جی گونو موناسیبتییله بو یازیدا میللتیمیزین یانیندا دایانیب، بئلنچی ترور اولایلارینی قینایاراق؛ چالیشیلیب ترورلا موجادیلهیه بیر باخیش آتیب، نَدنلری اورتایا قو۫یولسون. دیلهییمیز بودورهئچ بیر آنانین گؤزو یاشلی و یولدا قالماسین.
باتی آزربایجان و ترور اؤرگوتلرینین ائیلملری
باتی آزربایجاندا کئچمیشدن یارانان بوتون ترور اولایلارینا گؤز آتدیقدا بئله نظره گلیر کی آنجاق کورد تشکیلاتلاری بو توپراقلاردا اولای یارالدیب، میللتین جانینا قیٛیماغی اؤن پیلانلاریندا یئر ائلهییب و بو گونه کیمی بلکه مین لرجه گوناهسیز سیلاحسیز و سیلاحلینین اؤلدورمهسینده نقشلری اولوبدور. دقیق بیر سایی الده اولماسادا بو ترورچولارین خبرلری و ائلهدیکلری ترورلار حافیظهلرده قالیر. بو ترور تشکیلاتلارینین کورد میلتینه منصوب اولماسینا باخمایاراق، ایچ و آرخالاریندا باشقا گۆجلرین ده ایزلری گؤرونمکدهدیر. ترور اؤرگوتو تانینان پژاک، بیر کورد اؤرگوتو اولاراق بو اولایلارین باشیندا یئر آلیر.
ایران جوغرافیاسینین بیر قیسمیندا کورد میللتی یاشاییر و بونلارین چوخونلوقجا یاشادیقلاری بؤلگه کرمانشاه، کردستان اوستانلاری و ایلامین قوزئییدیر. کئچن یوز ایلده فرقلی دؤنملرده کورد طایفالاری باشقا توپراقلاردان باتی آزربایجاندا یئرلهشدیریلیب و یاشاییرلار. 1991-جی ایلده صدام دئورینده عراقدان 2 میلیونا یاخین کورد سو۫یلو سیغینماچی، ایران و تورکیه یه کؤچدولر، ایران دئولتی اونلاری تماماً باتی آزربایجاندا یئرلشدیردی. سیغینماق اوچون بیزیم توپراقلارا قوناق گلن کوردلر بو گون بو توپراقلاری اؤز توپراقلاری بیلهرک، پرو۫پاگاندا یاپیب و باتی آزربایجاندا ترور ائیلَمی چیٛخاردیرلار. حال بو سو۫رولار نظره گلهبیلر کی نییه بو ترور اؤرگوتو کردستان و کرمانشاهدا یوخ بلکه باتی آزربایجاندا ترور اولایلاری یارالدیرلار؟ و ندن بو کورد ترور اؤرگوتلری ایران دئولتینین گیزلی پیلانلاریندا یئر آلیبلار؟ ندن ایران دئولتی کورد ترور اؤرگوتلرینین آدینی مئدیالاردا چکمهییب، آنجاق "اشرار" آدلاندیریر؟
گونئی آزربایجان جوغرافیاسی دونیانین ان استراتژیک بؤلگهلریندن بیری ساییلیر، بو جوغرافیا روسیا-عرب و آسیا-اوروپا دؤرد یولوندا یئرلهشیب و داها اؤنملیسی قوزئی و باتیسیندا، قوزئی آزربایجان و تورکیه قارداش اؤلکه لری یئر آلیر. ایران حکومتلری پهلوی دؤنَمیندن بری تورک بیتیشیک جوغرافیاسینی (آزربایجان- تورکیه سینیرینی) کورد الییله کسدیرمک اوچون آرخا پیلاندا گیزلی اولاراق ترور اؤرگوتلری ایله ایش بیرلییی آپارسا دا، 8 عسگرین تروریستلرله ساواشدا اؤلدویو کیمی اولایلار قاچینیلمازدیر. بیر یاندان کورده یاردیم ائدیر و او بیر یاندان اونلارلا ساواش آپاریر. ایران حاکیمیتینی بۆروین شونیستی گوجلر کئچمیشده قوزئی آزربایجان توپراقلارینی غصب ائدن ائرمنیلری دستکلهدییی کیمی گونئی آزربایجان- تورکیه سینیرلارینی تماما ایشغال ائتمک نیتینده اولان کورد تروریست تشکیلاتلارینی دا دستکلهییب، اونلاری بیزیم توپراقلاردا یئرلشدیرمک ایستهمکله گلهجکده او۫لاسی ایستیقلال طلبانه حرکتلرین قارشیسیندا ائتنیک و قومی چاتیشما یارالتماق سیاستینی ایجرا ائدیر. عینی حالدا ایران حکومتی ترور تشکیلاتلارینی آزربایجان میللتی اوستونده بیر چوماق کیمی توتوبدور. کوردلرین بؤیوک کوردوستان قورماق سئوداسیندان فایدالاناراق اونلاری اویونا گتیریب، بیزیم توپراقلاردا سالدیری کئچیردیب آزربایجان میللتینده کورد ترور اؤرگوتو قورخوسونو سالماغا چالیشماقلا پیلانلارین یئریدیر. بو دورومدا باتی آزربایجان قره باغ، کرکوک کیمی بیر یارا اولاراق بیزلره گؤستریلیر. حاکیمیت باخیشیندان پژاک کیمی اؤرگوتلرین آزربایجاندا فعالیتی، آزربایجان میللی حرکتینی حکومته سوق وئرمک و یاخین دورماغا زو۫رلایار. کورد تشکیلاتلاری باخیشیندانسا اونلار گوجلرینی آزربایجاندا ایدعا ائتدیکلری توپراقلاردا ترور ائیلمی کئچیردمهیه قویماقلا دونیایا بو بؤلگهنین ائتنیک هویتینین تورک اولمادیغینی گؤستریرلر.
میللی حرکتین استراتژیسی نئجه اولمالیدیر؟
هر بیر آماجا چاتماق اوچون، اؤنجه اونا پیلان تؤکوب، یول جیزیب و استراتژی بَلیرلندیرمهلیییک. بو گون کورد تروریزمی توپراغیمیزا گؤز تیکیبسه، بیز توپراغیمیزی باشقا میللتلره ساتماماق و قوروماقلا برابر تاریخی – سیاسی – ائتنیکی توپراقلاریمیزی یییهلنمهلی و بوتون دونیایا تانیتدیرمالیییق.
بیزیم حرکت مدنی اولدوغو اوچون ایندییه کیمی سیلاحلانمادان اوزاق دوروبدور؛ آما توپراغیمزا گؤز تیکنلرین قارشیسیندا گرکدییی زامان سیلاحلانیب و توپراقلاریمیزی ساوونمالیییق. حاکیمییتدن بو اؤرگوتلرین آدلارینین مدیالاردا چکیلمهسییله برابرآزربایجان توپراقلاریندا کی هدفلرینین آچیقلانماسینی ایستهمهلی و باشاردیقجا میللتیمیزی بو قونولارا آیدینلاتمالی؛ ایران دئولتینین گیزلی پیلانلارین اورتایا چیخاردمالیییق. یئری گلدییی زامان چاتیشمالاردا، جانلارینی الدن وئرن عسگرلرین عائلهسینین یانیندا اولوب و ترورو قیناییب، حاکیمیتین شوونیستی گوجلرینین چیرکین رول اوینادیغینی گؤسترمهلیییک.
بیز وطن مجنونو، ائل عاشیقی، صولح عسگریییک بیز وطن نامینه اؤلسک، دیریلردن دیریییک
ترور اولایینین قیرخینجی گونو موناسیبتی ایله بیرسیرا میللتچیلرین بیلدیریشی
