گوُنئی آذربایجاندا میللی شوُرا .

گوُنئی آذربایجان میللتی نین فارس شوینیسمینۀ قارشی میللی موجادیلۀ سی نین یوُزایللیک چوُخ قانلی بلالی تاریخی اوُلسادا ، لاکین چئشیدلی داخیلی ، خاریجی عامیللرین فیتنۀ لری ؤ دوُشمانچیلیق لاری نئدنیلۀ میللتیمیز هئلۀ دۀ فارس راسیسمی نین جایناقیندا بیرتاپدالانمیش ، تحقیر اوُلوُنموُش مستعمرۀ کیمی أسارتدۀ چیرپینماقدا دیر!

بوُ حقیقتۀ بیر داها ایشارۀ اوُلوُنماسی نین یادا سالینماسی نین ضرویتین دوُشوُنرئک دئمئک لازیم دیرکی : یئنی چاقدا روُس سوُویت ایمپریاسینین داغیلماسی نتیجۀ سیندۀ همان ایمپیریادا أسیر اوُلموُش میللت لر ، اوُ جوُملۀ دن قوُزئی آذربایجاندا میللتیمیز اوُز میللی ایستیقلالینا أل تاپسادا ، لاکین گوُنئی دۀ پهلویلررژیمی دئوریلدیگیدن سوُنرا ، همان رژیمین جانیشینی اوُلان راسیست فارس سیستمی شریعتچی موُللالارین حیلۀ گرلیکلری ؤ آلدادیجی وعدۀ لری ایلۀ أللرینۀ کئچدی ؤآردینجا داها  قئددارلیقلا میللتیمیزین حاق سئسین بوُغوُب ، میللی حاقلاریمیزا قارشی جینایت لرۀ باشلییب بوُ گوُنۀ کیمی داوام اتدیرمئکدۀ دیرلر !

بهمن اینقلابی آدلانان چئوریلیشدۀ ؤ آردینجا خمئینی نین باشلاتدیقی ایران ، عراق ساواشیندا یوُز میندن آرتیق آذربایجانلی شهید اوُلسادا ، لاکین محاربۀ دن سوُنرا بوُ گوُنۀ قئدرآذربایجان میللتی قات قات آرتیق باسغیلارا ، ظوُلمۀ معروُض قالماقدا دیرلار، ؤ نهایت یئنی گئنج نئسلیمیز کئچمیش حادیثۀ لرین آجی تجروُبۀ لرین گوُز اوُنوُندۀ آلماقلا میللی قوُرتوُلوُش ، آزادلیق حئرکاتینا باشلامیشدیرکی بوُ گوُنۀ قئدراوُنئملی آددیملار آتماقی باجارمیشلار.     

آمما بوُ اوُلوم ، قالیم موُجادیلۀ سیندۀ چوُخ اوُنئملی اوُلان میللی بیرلیک جبهه ؤ یا شوُرانین یئری بوُش گوُروُنمئکدۀ دیر، بئلۀ بیر شوُرانین یارانماسی چئتین اوُلسادا ، لاکین أساس ضرورت لردن ساییلار، بوُنا گوُرۀ دۀ گوُنئیدۀ هئلۀ لیک گئنیش مقیاسدا بیر میللی سوُرانین یارانماسی تکلیف اوُنوُر. 

1 ــ هانسی هدف لر اوُغروُندا گوُنئی آذربایجاندا میللی شوُرانین یارانماسی ضروُری ؤ اوُنئملی دیر.

2 ــ میللی شوُرانین یارانماسی ایلۀ گوُنئی آذربایجان میللی حئرکاتی یئنی مرحلۀ یۀ آددیم آتار.

3 ــ شورا بوُتوُن تانینمیش موجود اوُلان تشکیلات لار آراسیندا بیرلیک یارادماقلا ، هئر تشکیلات اوُز وارلیقین حیفظ اتمئک شرطی ایلۀ بیرلیکدۀ ،آذربایجان میللتینین میللی، مشترک شعارلاری چئرچیوُسیندۀ میللی شوُرادا بیرلئشرئک ، حساس پروُسئس لردۀ بیرگۀ حئرکت اتمۀ لرینۀ زمین یارادار.

4 ــ اوُنئملی سوُرغوُلاردان بیری دۀ بوُ دوُر : هئر هانسی بین الخالق تشکیلاتین نمایندۀ سی ؤ یا هئرهانسی اینسان حاقلاریندان مدافعه ائدن شخص یا شخصییت لر گوُنئی آذربایجان میللتینین حاق سئس لرین ائشیدمئک ایستۀ دیکدۀ ؤ اوُز منصوُب اوُلدوُقو تشکیلاتدا سندلی اوُلاراق مطرح اتمئگ ایستۀ دیکدۀ ، هانسی قوُروُم ؤ یا میللی شخصییت لۀ دانیشمالی دیر ؟  

5 ــ بئلۀ اوُلدوُقوُ حالدا گوُنئی آذربایجاندا میللی شوُرانین بیر آن اوُول تشکیل اوُلوُب اوُز موُجوُدییتینی اعلان اتمۀ سیندن سوُنرا بین الخاق تشکیلات لار، اینسان حاقلاری تشکیلاتی ، بیرلئشمیش میللتلر تشکیلاتینین چئشیدلی کمیتۀ لریندۀ ؤ سایرۀ قوُروُم قوُروُلوشلارلا رسمی ایرتیباط لار قوُرماق اوُلار ؤ گوُنئی آذربایجانین ایستک لرین بیان ائدرئک ، داواملی اوُلاراق ضروُری موقع لردۀ معنوی ، آذربایجان میللتینۀ اینسانی ، همدرد لیک ، یاردیملاری ألدۀ اتمئگ اوُلار .

6 ــ میللی شوُرانین اوُنئملی نقشلریندن بیری دۀ گوُنئی آذربایجان میللتی نین بوُ گوُنۀ قئدر اعلان اتدیگی ایستک لری شعارلاری أساسیندا آذربایجان توُپلوُموُن شئهرلردۀ ، کئندلردۀ خیاوانلارا ، مئیدانلارا دعوت اتمئکلۀ  حئرکتۀ یئنی جان ، قان ؤ داها آرتیق آکتیولیک  بخش اتمئگ اوُلار ، یوُخاریدا قئید اوُلوُنموش قیسا شرحی یازماقی بیر میللی وظیفم بیلرئک بوُتوُن آذربایجان میللی فعاللارینا تقدیم ائدیرۀ م . 

21/ 1 / 2018  ــ آذرخش