هئر پدیدۀ نین ضیددی اوُنوُن اوُزایچیندن یارانار.

رنسانس دئیشیکلیک ؤ یئندن دوُغوُش دئمئک دیر کی ایلک دفعۀ اوُلاراق قدیم یوُنان اوُلکۀ سیندن باشلانسدا آردینجا 15 ــ 16 ینجی یوُزایللیک دۀ ایتالیادا عملی  شئکیلدۀ اوُزۀ چیخیر ؤ آردینجا فرانسا ، آلمان ، اسپانیا ، هُلند کیمی اوُلکۀ لری دۀ اوُز ایچینۀ آلیر هدف کیلیسۀ لرین ، کئشیشلرین حوُکمرانلیقلارین محدوُد اتمئک ایدی ، بوُتوُنلوُکلۀ عصرلر بوُیو حاکیم اوُلان دین سرکردۀ لرینین اینسانلارین بئیین لرینۀ آشیلادیقلاری موُهوماتا ، خرافات ، جهالتۀ قارشی  بوُیوُک بیر ایجتیماعی  حئرکت لرۀ چئوریلیر.

همان چاغدا آوروُپادا یاشییان توُپلوُملار کیلیسۀ لرین، کئشیشلرین ؤ نهایت دین گئریجیلیگینین أسارت زنجیریندۀ یاشییردیلار، باشلانان رنسانسین هدفی توُپلومو اوُیاندیرماق ؤ یئنی چاغدا علمین ، صنعتین  فیزیک ، شیمی، اینجۀ صنعت  رساملیق ، هئیکل تراشلیق ؤ سایرۀ لرین اینکیشاف یوُللارین آچماق ؤآیدینلاشماقدا اوُلان اینسانلاری یئتیشدیرمئگ ایدی ، بیز بوُگوُن همان قاباجیل اینسانلارین تلاشلارینین نتیجۀ سین بوُتوُن آوروپا اوُلکۀ لریندۀ گوُرمئکدۀ ایک  .

یوُخاریداکی قیسا مقدمۀ دن یوُلا چیخاراق ، گوُروُرو کی موسلمان دوُنیاسیندا حوُکم سوُرۀ ن ایسلام اوُمتچیلیک قایدا قانوُنلاری هئلۀ داوام  داوام اتمئکدۀ دیر، اوُجوملۀ دن بوگوُن ایران آدلانان اوُلکۀ دۀ !  قیلینج گوُجوُایلۀ ایسلامی اتمئگ اوُچوُن قتل عاملار ؤ غارتچیلیکلۀ ایران ؤ باشقا خالقلارا تحمیل اوُلوُندوُقو چاغدان فرصتچی  شییادلار موُللا ، موُشتهید، دین سرکردۀ سی آدی ایلۀ خرافاتی موُهوماتی ، جهالتی زوُراکیلیق ؤ آلدادیجی شیوۀ لرلۀ 1400 ایلدن بوُ گوُنۀ قئدرهئدۀ قوُرخوُ ایلۀ اینسانلارین بئیین لرینۀ آشیلاماقلا اوُنلارین اوُیانیشینا ، آیدینلاشمالارینین یوُلوُن جوُربۀ جوُر انگللر یاراتماقدا دیرلار کی داوام اتمئکدۀ دیر.

لاکین بوُ گوُن یاشادیقیمیز 21 ینجی یوُز ایللیک چاغیندا ایران آدلانان اوُلکۀ دۀ ایسلام ویلایت فقیۀ رژیمینین قوُروُلماسی ؤ اوُنوُن تروراوُرگوُتلرینین بوُتوُن اوُرتا دوُغوُیا ؤ باشقا اوُلکۀ لرۀ یاییلماسی بیر بوُیوُک فاجیعۀ اوُلسادا، آمما گئت گئدۀ توُپلوُمون اوُیانیشی ، تکنوُلوُژی علمینین اینکیشافی ایلۀ ایران موُللا لارینین موُندار ، غیر اینسانی عمللری هئرکئسۀ آیدین اوُلماقلا نتیجۀ دۀ طبیعی اوُلاراق ایسلام دینینۀ قارشی بیررنسانس یا (یئنی دن دوُغوُش) پروُسئسی گوُجلوُ شئکیلدۀ باشلانماقدا دیر.

بیلدیگیمیزکیمی ایلک گوُندن ویلایت فقیۀ رژیمین ساخلییان اوُنون أمریندۀ اوُلان سپاه ، بسیج ، حزب الله ؤ لات لوُتلر خالقین اعتراضلارینا قارشی دوُروُب هجوُملارا باشلییاراق ایسلام دینی ؤ شیعۀ مذهبینۀ دایاناراق یاراددیقلاری جینایت لر، تجاوُزلار، زیندان ، ایشکنجۀ ، ترور، یالانچیلیق ، اوُغوُرلوُقلار ؤ سایرۀ فسادلاری 39 ایللیک پروُسئسدۀ ایستر ایستۀ توُپلوُمدا یاشییان محروُم یوُخسول ، ایشچیسی ، کئندچیسی ، اوُیرۀ نجیسی بوُتوُنلوکلۀ جامعۀ دۀ یاشییان اینسانلارین أکثرییتی، ایسلاما، دینۀ، مذهبۀ دائیر باخیشلاری ، نظرلری بوُتوُنلوُکلۀ دئیشمیشدیر.

بوُپروسئسین باشلانماسی  عینی ؤ حقیقی رئنسانس ؤ یا یئنی دن دوُغوُش دوُروُنوُن باشلانماسی دئمئک دیر، ألبتۀ کی بوُ گوُنکوُ چاغیمیزدا تکنوُلوُژی علمینین یاراددیقی مدنی اینقلاب ، اینترنت ؤ جئب تلفوُنو ایلۀ خبرلئشمۀ لر، دوُنیادا جریان ائدن میللت لرین آزادالیق ، دموکراسی یوُلوُندا حئرکت لری موُجادیلۀ لری ایستر ایستۀ مزایران آدلی جامعۀ دۀ یاشییان میللت لرین اوُیانیشیندا ؤ دوُشوُنجۀ لریندۀ بوُیوُک تأثیرلر قوُیموُشدوُر.

بوُ یئنی اوُیانیشی ؤ فوُناتیزم دن ، گئریجیلیک دن ، دین قایدالاریندان اوُزاقلاشماقی بیزاوُلکۀ دۀ یاشییان بوُتوُن محروُمییت دۀ ساخلانمیش ؤ تحقیر اوُلوُنموش میللت لرین کئدرلی حئییات سئوییۀ لریندۀ گوُرمئکدۀ ییک ، خصوصی ایلۀ  گوُنئی آذربایجاندا ؤ باشقا غیر فارس میللت لرین حئرکت لری کئچمیشلردن فرقلی اوُلاراق باشلانمیش ؤ هئر یئنی آددیملارلا میللی قوُرتوُلوُش حئرکتلرین گوُن بۀ گوُن گوُجلئنمۀ سی نۀ اینکی تکجۀ فارس راسیسمین حوُکمرانلیقین محو ائدیب یوُخ ائدۀ جئک ، حتی 1400 ایللیک ایسلام شیعۀ چیلیگی ایلۀ یاناشی گوُناهسیز اینسانلاری ایشکنجۀ اتمئک ، اعدام ائدیب تجاوزلاراتمئک ، مذهبنین ایراندا ایفلاسا اوُغراماسین گوُن بۀ گوُن گوُجلوُ شئکیلدۀ گوُرمئکدۀ ایک ، بئلۀ لیکلۀ بوُیوُک دئیشیکلیکلرین ایلکین مرحلۀ سینین باشلانیش آددیم لارینین سئسلرین  ائشیدمئکدۀ ایک .

بو رنسانسی هئچ بیرخاریجی دوُولتین پوُلوُ ، حربی هجوُمو ؤ یا هئچ بیرسوُلچوُ ، ساقچی ؤ هئرهانسی تبلیغاتلاری یارادا بیلمزدی، بوُأسارت زنجیری تکجۀ آیت الله لارین اوُز أللری ؤ اتدیکلری سانسیز حئسابسیز چیرکین عمللری ایلۀ هم ایسلامین أصلی چهرۀ سین آچدیلار، همدۀ روُحانی آدلانان حیلۀ کارلاری آچیب گوُستردیلر ، بئلۀ لیکۀ دۀ عصرلربوُیوُ دین جهالتی جایناقیندا أسیر اوُلموش خالقلار چوُروُموُش موُهوُماتلاری، خرافاتلاری، جهالت لری تکجۀ ؤ آنجاق آیت الله لاراوُزعمللری ایلۀ تاریخین درین چوُپلوُیوُنۀ گوُموُلدۀ بیلردی . بوُ رنسانس یا یئنی دن دوُغوُشوُن روُشئیملری دیر کی گئرییۀ دوُنوُش یوُلوُدا یوُخدوُر.

Justus Sustermans - Portrait of Galileo Galilei, 1636.jpgNikolaus Kopernikus.jpgMartin Luther, 1529.jpghttps://upload.wikimedia.org/wikipedia/commons/thumb/7/73/Frans_Hals_-_Portret_van_Ren%C3%A9_Descartes.jpg/250px-Frans_Hals_-_Portret_van_Ren%C3%A9_Descartes.jpg

                                                                                                                                       رنه دکارت ریاضی         مارتین لوترکشیش         کوپرنیک ریاضی دان      گالیله ـ فیزیک ، نجوم      

بوُشخصییت لراوُرتا عصرلردۀ آوروپادا رئنسانس "یئنی دن دوُغوُش" دوُوروُن باشلییان قاباقجیل آیدین شخصلرایدیلرکی همدۀ اوُزلری خیریستیان دینین کئشیشلری ایدیلر، بوُنا گوُرۀ دیرکی دیالکتیک علمیندۀ دئییلیر: " هئر پدیدۀ نین ضیددی اوُپدیدۀ نین اوُز ایچیندن یارانار"

22/ 1 / 2018 ـ آذرخش