ایجلاس لاردا ، تلویزیوُن وئرلیش لریندۀ توُپلوُم قارشی سیندا آیدین ، آنلایشلی ؤ عینی حالدا تمکینلۀ ، متانتلۀ دانیشماق بیر دانیشیق هوُنری ؤ باجاری ساییلار، بئلۀ لیکلۀ بوُقیسا مقالۀ نین یازیلماسینین سببی دۀ کئچمیش ایللردن بئری شاهیدی اوُلدوُقوم ؤ منی دوُشوُندوُرن عموُمی ایجلاس لاردا مختلیف شخص لرین دانیشیق طرزلریندن ایرۀ لی گئلن مسئلۀ اوُلموشدوُر ؤ بئلکۀ دۀ ایندییۀ کیمی کیمسۀ بوُ اوُنئملی مسئلۀ حاققیندا هئر هانسی بیر مطلب یازمامیشدیر .      

عمومی یغینجاقلاردا توُپلوُم قارشی سیندا دانیشان بعضی گوُنئیلی وطنداشلاریمیزاوُز آنا دیللریندۀ دانیشدیقلاری زامان موُضوُع دان خاریج اوُلاراق یئرلی یئرسیز دانیشماق ؤ همدۀ آذربایجان توُرک دیلینین لغت لرین دوُغروُ دوُزگوُن بیلمۀ دیکدۀ ، چیخیشلاریندا فارس کلمۀ لریندن آرا سیرا ایستیفادۀ اتمۀ لری اوُلموُشدوُر.  

أساسن عمومی یغینجاقلاردا ؤ یا مئدیا قارشیسیندا دانیشماق ایستۀین شخص حاضیرلیقلی اوُلمالی دیرؤ بیان اتمئک ایستۀ دیگی کلمۀ لر آچیق ، آیدین آنلایشلی کلمۀ لرلۀ اوُلمالی دیر، چوُنکی آیدین دانیشماق شخصین بیلگی سین ، مهارتین ؤ گوُرکئملی شخصییت اوُلدوُقوُن گوُسترن ؤ دانیشماق اصولوُن بیلن بیر شخص اوُلدوُقوُن گوُسترمئکلۀ ، دینلۀ یجی اوُنوُن سوُزلرین درک ائدیب ؤ یوُروُلمادان دیققت لۀ قوُلاق آسارلار.  

آیدین ، آنلایشلی کلمۀ لرلۀ دانیشماق اوُزلوُیوُندۀ بیر دانیشیق رمزی همدۀ بیرعلم دیر، اوُزللیکلۀ یاشادیقیمیز بوُ گوُنکوُ چاغیمیزدا ضرورت اوُزریندن هئرهانسی موناسیبتۀ گوُرۀ قوُروُلان ایجلاس، قوُروُلتای، رادیو، تلویزیوُن لاردا چئشیدلی ساحۀ لردۀ نئجۀ دانیشماق اوُلارکی تاماشا چیلار ؤ دینلۀ یجیلر اوُندان بهرۀ لئنۀ بیلسین .

چوُخ واختلار اوُلوُب کی اوُزوُن اوُزادی دانیشان کلامین ریشتۀ سین ألدن وئریب دوُلاشیق مسئلۀ لری مطرح اتدیکدۀ أصلی مسئلۀ دن اوُزاقلاشیرلار ، بئلۀ لیکلۀ دۀ دینلۀ یجینین یوُروُلماسینا سبب اوُلوُر ؤ جاماعات آراسیندا موُثبت تأثیر قوُیماق یئرینۀ ، دینلۀ یجیلرین احوال ، روُحییۀ سیندۀ اوُلوُمسوُز ، منفی تأثیرلر قوُیوُر.  

سبب لری نئدیر .

آیدین دیرکی آنا دیلیمیز توُرک دیلیندۀ دوُغروُ دوُزگوُن دانیشماقی گئرئک اوُشاغلیق چاغیندان مدرسۀ دۀ اوُیرنمئک ، آمما گوُنئی آذربایجان توُرکلرینین آنا دیلدۀ دوُزگوُن ، آیدین دانیشا بیلمۀ دیکلرینین اینکار اوُلوُنمازسببی وار، سبب گوُنئی آذربایجان جامعۀ سیندۀ ؤ یا ایجبار اوُزریندن فارس شئهرلریندۀ یاشییان توُرکلرین اوُشاغلاری کوُرپۀ لیکدن مدرسۀ دۀ اوُز آنا دیللریندۀ یازیب ، اوُخوماق یئرینۀ زوُراکیلیقلا فارس دیلیندۀ یازیب ، اوُخوُماقا مجبور قالیرلار.

اوُشاغ اوُز آنا دیلیندۀ دوُزگوُن دانیشماقی عائیلۀ دۀ ؤ سوُنرا ایلک مدرسۀ چاغیندان اوُیرۀ نر ، آمما فارس دیلی ؤ اصوُللاری حاکیم اوُلدوُقوُنا گوُرۀ توُرک بالالاری زوُراکیلیق ؤ هدۀ قوُرخوُ ایلۀ فارس دیلیندۀ دانیشماقا ؤ درس اوُخوُماقا مجبور اوُلوُرلار .

بوُ آسیمیلۀ سیاستی نئدنیلۀ اوُشاغلار بوُیوُیوُب گئنج اوُلدوُقلاری زامان آددیم آددیم آنا دیللریندن اوُزاق لاشیب ، فارسلاشماقا دوُغروُ سوُروُشوُب ، اوُز دوُغما دیللریندن اوُزاقلاشیرلار، ائلۀ کی یئنی یئتیشمیش ایستعدادلی گئنجلریمیز فارس دیلیندۀ مهارتلۀ دانیشدیقلاری حالدا ، آمما آنا دیلدۀ دانیشماقدان ، یازیب یارادماقدان عاجیز قالیب فارس دیلیندۀ یوُکسئک سئوییۀ دۀ شاه أثرلر یازیب یارادیب حاکیم فارس أدبییاتی نین گوُن بۀ گوُن غنی لئشمۀ سینۀ سبب اوُلموُشلار.

                       بوُیوُک شانسیمیز قوُزئی آذربایجانین وارلیقی دیر.

آمما سئویندیریجی بوُدوُرکی قوُزئی آذربایجاندا یاشیان میللتیمیز روُس أسارتیدۀ یاشادیقلاری حالدا چوُخ جسارت ؤ دیرۀ نیشلۀ توُرک دیلین دوُزگوُنجۀ سینۀ یاشادماقا موُؤففق اوُلموُشلار، آچیقجاسینا دئمئک لازیم دیرکی آنا دیلیمیزی یاشادیب اوُنوُن چیچئکلئنمۀ سیندۀ قوُزئی آذربایجاندا آیدین ،ضیالی ، میللی مفکوُرۀ لی عالیملرین ؤ آکادمیک لرین چوُخ بوُیوُک نقشلری پایلاری اوُلموُشدوُر.

بوُنوُنلا بئلۀ اوُمید ائدیرۀ م عالیم ؤ قلم صاحیب لریمیز قوُزئی آذربایجان توُرکجۀ سینۀ قاریشمیش بیر تعداد فارس ، روُس ، عرب ؤ سایرۀ کلمۀ لردن آریدیب یئرینۀ اوُنوُدوُلموُش چوُخ معنالی ، زنگین آذربایجان توُرک کلمۀ لرین اوُتوُردا بیلسینلر.                                                    

                                           15 / 10 / 2018 ـ آذرخش