بوُگوُن گوُنئی آذربایجاندا سوُی قیریم گوُنلریندن ؤ آیلاریندان 73 ایل کئچیب 74 ینجی ایلۀ کئچسۀ دۀ آمما آزادلیق ، ایستیقلال مفکوُرۀ سی هئچ زامان بوُیوُک میللتیمیزین شعوُروُندان نۀ اینکی سیلینمییب ، حتی زامان زامان گئنج نئسیللرین ظاهیر اوُلماسی ایلۀ گئت گئدۀ داها آرتیق مرکب لئشیب ؤ آذربایجانین بوُتوُن شئهر ؤ کئندلریندۀ کوُک سالیب کی تقدیرۀ لایق شئکیلدۀ گئنیش کوُتلۀ لرین مئیدانا گئلمۀ سینۀ یوُل آچیب .
گوُنئی آذربایجاندا 21 آذرقیامیندان دوُغوُلان گوُنش ؤ آردینجا سید جعفـرپیشۀ ورینین باشچیلیغی ایلۀ قوُروُلان میللی حاکیمییت ؤ چوُخ سایدا قاباقیجل آذربایجانیلار اوُ جوُملۀ دن فریدوُن ایبراهیمی ، کاویانی ، شاعیر بی ریا ؤ مینلرلۀ باشقا شهید اوُلموش شرفلی فدائیلرین آدلاری، خاطیرۀ لری دائمن اوُریی لریمیزدۀ یاشیاجاق ؤ بیر گوُرلوُ گوُنش کیمی یوُللاریمیزا ایشیق سالاجاق بؤ ایشیق هئچ زامان غروب اتمییۀ جئک هابئلۀ بیزهمان دوُوُروُن تجروُبۀ لریندن ایستیفادۀ اتمئکلۀ بوُگوُنکوُ میللی حئرکاتین یوُللارین ایشیق لاندیرماقا تلاش اتمئلییک .
یاشادیقیمیز حساس مرحلۀ دۀ گوُنئی آذربایجانین گئنج نئسیلی نین قارشیسیندا بوُیوُک بیر تاریخی ؤ ایفتیخارلی ؤظیفۀ قرار توُتوُب ، خصوصی ایلۀ صراحت ؤ جیددیتلۀ قئید اتمئک لازیم دیر کی پان فارس رژیمی بوُ گوُن بوُتوُن ساحۀ لردۀ هئر زاماندان آرتیق اعتیبارین ألدن وئریب ؤ سقوُط مرحلۀ سینۀ یاخینلاشمیشدیر، بوُناگوُرۀ دۀ بوُحساس زاماندا هئر زاماندان آرتیق موُجوُد اوُلان تشکیلات لارین بیرلیگینۀ ؤ حاضیرلی اوُلمالارینا احتیاج وار ، خصوُصی ایلۀ مسلح قوُوۀ لرهئر شئکیلدۀ اوُلوُرسا میللتی میزین آرخاسیندا دوُرمالاری لازیم دیر.
میللی چاغیریش
مسلح قوُوۀ لردۀ خیدمت ائدن آذربایجانلی عسگرلر، پاسدارلار بوُ حقیقتۀ جیددی دیققت اتمۀ لری لازیم دیر، گوُنئی آذربایجان میللتی 33 ایل فاشیست پهلوی رژیمین توُهینلرینۀ ، تحقیرلرینۀ ؤ قتل عامینا معروض قالدیقی حالدا ، تأسوُفلۀ جللاد شاه رژِمیندن سوُنرا ایندی 40 ایلدن آرتیق دیر کی دین آدی آلتیندا ایران دئیلن اوُلکییۀ حاکیم اوُلان یالانچی ، حیلۀ کار موُللارین داها آرتیق ؤ شیدتلی ظوُلملرینۀ معروُض قالمیشلار.
ایندی بوُ حساس پروسئسدۀ ساغلام ویجدان ؤ شرف حوُکم ائدیر: رژیمین مسلح قوُوۀ لریندۀ خیدمت ائدن توُرک آذربایجانلی پاسدارلار ، بسیجی لر ، پلیس لر ، اطلاعات مأموُرلاری اوُلکۀ نین بوُتوُن ثروتلرین غارت ائدن بیرتعداد پان فارس ؤ فاشیست موُللا لارین حاکیمییت لرین ساخلاماق اوُچوُن خیدمت ائدیرلر ؤ خامنه ای نین أمری ایلۀ تام راسیست جئسینۀ اینسانلاری قتل ائدیب ؤ یا اوُزوُن موُدتلی قانوُنسوُرحبس لرۀ محکوُم ائدیب ، زیندانلاردا ایشکنجۀ ائدیب یا جینسی تجاوُزلارائدیرلر، بوُ گوُناهسیز اینسانلارین مظلوُمییت سئس لرین مسلح قوُوۀ لردۀ خیدمت ائدنلر گئرئک ائشیدسینلر ؤ اوُنلاری خیلاص اتمئگ اوُچوُن تلاش اتمئلی دیرلر .
بیلدییمیز کیمی بوُگوُن بیر طرفدن دوُنیادا ؤ داخیلدۀ جریان ائدن سیاسی شرایط سرعت لۀ دئیشمئکدۀ ؤایران دئیلن اوُلکییۀ حاکیم اوُلان موُللا رژیمی نین ضررینۀ اوُلاراق جریان اتمئکدۀ دیر ؤ هئرگوُن راسیست گئریجی موُللا لارین عوُمروُنوُن سوُنا چاتماسینا ؤ اوُچروُم مرحلۀ سیندۀ اوُلدوُقوُن گوُستریر ، بوُ حساس مرحلۀ دۀ عقل ؤ منطیق حوُکم ائدیرکی هئر هانسی سبب لرۀ گوُرۀ بوُ گوُنۀ قئدر رژیمۀ خیدمت ائدن مأمورلار بیرآن أوول یئنی دن دوُشوُنوُب جینایتکارحاکیم موُللا لارین جنون آمیزدستورلاریندان اوُز دوُندریب ؤ ظوُلملرۀ معروُض قالمیش هئرباخیمدان تالانمیش دیلنچیلیگۀ دوُشموُش میللتیمیزین قوُجاقینا قایید سینلار، آذربایجان میللتی نجیب ؤ باغیشلییان میللت دیر، بوُ میللت اوُز اوُلادلارینین خطا ؤ گوُناهلارین باغیشلییان میللت دیر، سیز بیلمۀ لی سیز کی حبس خانالاردا تحقیر اوُلوُب ایشکنجۀ اوُلانلار سیزین قارداشلارنیزدیر، زامان کئچیرأگر بوُگوُن میللت سیزلرۀ نیفرت گوُزوُایلۀ باخیرسا ، بوُسیزین عمللرینیزدن آسیلی دیر، آمما میللتین قوُجاغینا قاییدساز، بیلین کی آذربایجان میللتی سیزلری باغرینا باسیب ، گوُناهلارینیزدان کئچر، صاباح چوُخ گئج اوُلابیلر. غ . ش . آذرخش 19 آذر 1398
