ایل ۱۰۶۶ دا، «هئیس‌تینقز» موحاربه‌‌سینین نتیجه‌سینده نورمانلار، اینگیلتره‌نی ایشقال ائدرلر.
نورمان ایشقالی‌نین، اینگیلتره تاریخینده بؤیوک بیر یئری وار. اینگیلس دیلی و کولتورو او دؤنمده درین بیر ائتکی آلتیندا قالار. اسکی اینگیلس دیلی‌نین یئرینه اینگیلتره آداسیندا، انگلو-نورمان دیلی یئر آلار. اوشاقلار اوچون آد سئچیمینده، فرانسیس ایسیملر داها دا یایغینلاشار.
دؤنمین سونوندا اینگیلیس دیلی، تمامی ایله دؤنوشومه اوغرامیش بیر دیل حالینا گلر. اینسانلار و اؤزللیکله ده اصالتلی‌لر، اینگیس‌جه یئرینه فرانسیزجا دانیشارلار.
بو دئییشیمی اویغولاماق اوچون نورمان دوکو ویلیام، مکتب‌لرده، بوروکراسی ایشلرده و یؤنه‌تیم‌ده(مودیریت) فرانسیز دیلینی اویغولار.
یازیمین بو قیسا گیریشینده‌کی ایلگی چکن نؤقطه، بوروکراسی و یؤنه‌تیم‌ده‌کی ایشله‌نن دیل‌دی. هر هانسی دیلین بیر خالقا حاکیم اولماسی اوچون یؤنتیمه کئچمه‌سی چوخ بؤیوک بیر رول اوینار.
بانکا نوتلاری (پول، چک)، مال وارلیغی و مولک سندلری، ائییتیم دیپلومالاری، ایداری مکتوبلار، و.س.. قیساجاسی دیرلی و قیمتلی اولان هر شئی، هانسی دیلده یازیلیب‌سا، اینسانلار او دیلین قیمتلی و اوستون اولدوغونا اینانارلار.
اوزون لافین قیساسی بو کی، ایشدی شیطانین قولاغی کار، ایکی گؤزو ده کور اولدو و گونون بیرینده مکتب‌لرده اوشاقلاریمیزا، تورک دیلینده ده ائییتیم آلما شانسی یاراندی، امین اولون چوخلاری اؤولادلاری اوچون فارسجا ائییتیمی‌نی ترجیح ائده‌جکلر. یئنه هرکس فارس دیلینده یازماغا اوستونلوک وئریب، او دیلده دانیشماغی اؤزونه فخر بیله‌جک.
یؤنه‌تیم دیلی هانسیسا، خالق او دیله اینانیب اونو اوستون سانار.
