Tehran İnqilab Məhkəməsi güneyli fəal Kazım Səfabəxş haqqında 13 il həbs hökmü çıxarıb

İnsan haqları üzrə fəaliyyət göstərən HRA agentliyinin məlumatına əsasən, türk fəal keçən il Tehran İnqilab Məhkəməsinin 28-ci şöbəsində mühakimə olmuşdu. O dünən iyunun 24-də həmin məhkəmə tərəfindən 13 il həbsə məhkum olduğu barədə şifahi şəkildə məlumatlandırılıb.

   Kazım Səfabəxşin Tehranda Traktor futbol komandası azarkeşlərinin liderlərindən biri olduğu və bundan əvvəl dəfələrlə təhkükəsizlik quvvələri tərəfindən saxlanıldığı bildirilir.

Kazım Səfabəxş “Telegram sosial şəbəkəsi üzərində bölücü qrup təşkili”, həmçinin “xalqı üsyan və etiraza dəvət etmə” ittihamları ilə 10 il, “ictimaiyyətin fikrini rahatsız etmək” ittihamı ilə 2 il və “sistemə qarşı təbliğat fəaliyyəti aparmaq” ittihamı ilə isə 1 il həbsə məhkum olaraq, fəala qarşı cəmi 13 il azadlıqdan məhrum edilmə cəzası təyin edilib.

Əslən İran Azərbaycanının Meşkin (Xiyav) şəhərindən olan “Kazım Səfabəxş”, 25 noyabr 2018-ci ilində Tehranda təhlükəsizlik quvvələri tərəfindən saxlanılıb, naməlum istiqamətə aparılmışdı.

Səfabəxş Tehranda Traktor futbol komandası azarkeşlərinin liderlərindən biri olduğu və bundan əvvəl dəfələrlə təhkükəsizlik quvvələri tərəfindən saxlanıldığı qeyd edilib.

O, indi Tehranın Evin həbsxanasında saxlanılır.