Tarix boyu türk milləti heç zaman boyunduruq altında yaşamağa razı olmayıb. Türk dövlətlərinin və boylarının tarixini araşdıranda açıq şəkildə görünür ki, azadlıq və müstəqillik türk ruhunun ayrılmaz hissəsidir. Hər zaman öz torpaqlarını qorumaq, haqqını müdafiə etmək və zülmə qarşı çıxmaq türk millətinin əsas xüsusiyyətlərindən biri olub.

Göytürklərdən tutmuş, Səlcuqlara, Osmanlıya və müasir dövrün türk dövlətlərinə qədər hər bir dönəmdə türklər əsarətə boyun əyməyib. Tarixi mənbələrdə görürük ki, türk millətinin böyüklüyü yalnız döyüş meydanlarında deyil, həm də ədalətə və haqqa verdiyi dəyərdədir.

Zülm altında olan bir millət sussa, bu, zalımın gücünü artırar. Azadlıq heç bir xalqa hədiyyə kimi verilməyib. Hər millət öz müstəqilliyini qazanmaq üçün ya savaşmalı, ya da boyun əyməli olur. Lakin tarix sübut edib ki, türklər boyunduruq altında qalmaqdansa, savaşmağı üstün tutub. Məsələn, Göytürk Kağanlığı Çin əsarətinə düşəndə, Bilgə Kağan və Kül Tigin kimi igidlər üsyan qaldıraraq türk dövlətini yenidən dirçəltdilər. Eyni şəkildə, Osmanlı İmperiyasının çöküşündən sonra Mustafa Kamal Atatürk və silahdaşları yeni bir dövlət quraraq, türkün əsarətə boyun əyməyəcəyini bir daha sübut etdilər.

Dövlətlər yalnız qanunlarla idarə olunmur, həm də millətin ruhu ilə formalaşır. Əgər bir millət öz haqqını tələb etmirsə, onun üzərində hökm sürənlər istədikləri kimi qanunlar yarada bilərlər. Ədalət və azadlıq hər zaman mübarizə ilə qazanılıb.

Türk milləti üçün ən böyük dəyər azadlıqdır. Qədimdən bəri bu millət heç vaxt kölə ruhunda olmayıb. Əgər bir türk zülmə məruz qalırsa, iki yolu var: ya üsyan edərək haqqını alacaq, ya da boyun əyib bir daha türk adını daşımağa layiq olmayacaq. Tarix bizə göstərib  ki, türklər hər zaman birinci yolu seçiblər.

Bu gün də, gələcəkdə də türk millətinin azadlıq ruhu birliyimizlə sarsılmaz qalacaq. Çünki əsil türk, azad doğular və azad yaşayar!