ایران رئژیمی قئیری فارس میللت‌لره او جومله‌دن آذربایجان تورک فعال‌لارینا قارشی اولان باسغی‌سی داوام ائدیر. بو شوونیست رئژیم کئچن 40 ایل ایچینده موخالیف اولان سیاسی فعاللارا قارشی الیندن گلنی اسیرگه مه میش اونلاری آغیر ایشکنجه لره معروض قویور، اوزون موددتلی حبسلر وئریر، یئری گلیرسه وطن اولادلاری نی شهید ائتمیشدیر.
حبیب ساسانیان، وطنین موباریز ایگیدی، آجلیق آکسیاسیندادیر. ایران قددار رئژیمی بو میللی فعالی "آزربایجان توپراغیندان مودافیعه ائتمک"ایله سوچلاندیریر!، آغیر ایشکنجه لر وئرمیشدیر. ایران رئژیمی بو واسیطه ایله بیر داها گوسترمیشدیر کی ایران آدلانان اولکه ده تورک اولماق و آزربایجانی سئومک، سوچدور.
حبیب ساسانیان 51 گوندور دیم دیک آیاقدا، "سن چاغیرسان گله رم من، عئیبی یوخدور اوله رم من، سن یاشا آزربایجان" شوعارینی جانلاندیریر دوستاقدا. و نه یازیق کی دونيا ايجتيماعيتي و اولوسلار آراسي اينسان حاقلاريني مودافيعه ائدن تشكيلاتلار میللی فعالیمیزین آغیر وضعیتی حاقدا لاقئید قالماغی سئچمیشلر.
فارس شووینیزمین بیزیم میللته آمان‌سیزجاسینا دوشمانچی‌لیغی 100 ایلدیر داوام ائدیر، آنجاق بو آغیر باسقی‌لارا رغمن میللی حرکتیمیز هر زمان‌دان آرتیق گوج‌لودور. ایران رئژیمی چوخ یاخچی بیلیر کی بیزیم ایگید و میللتین-سئون قهرمان میللی فعال‌لاریمیزین ایراده‌سین هئچ بیر تضییق سارسیدا بیلمز.
قهرمان موباریز، حبیب ساسانیان بئی، سیزین کیمی ایگید موباریزلر وطنین آزادلیق نغمه سی سیز. آنجاق، نظره آلین کی سیزین وارلیغیز و ساغلیغیز هر نه دن اونجه دیر. آزادلیق ساواشیمیزدا سیزین کیمی ایگیدلر اولمازسا وطن توپراغی ایشغال آلتیندا قالاجاقدیر. سیزدن ریجا ائدیریک وطن اوچون، میللت اوچون، آزادلیغیمیز اوچون آجلیق آکسیاسینی دایاندیرین. سیزین وطن اوغروندا موباریزه و ساواشدا آلدیغیز یارا‌لار و آجی‌لار هئچ زامان اونوتولمایاجاقدیر.
بيز آذربايجان سياسي تشكيلاتلاری میللی فعاللارا وئریلن آغير حبس جزالاريني شيددتله قينايير، توتساق میللی فعاللارین قئید شرطسیز آزادليغيني طلب ائديريك. حبیب ساسانیان-ا وئریلن محکمه قرارلاری درحال لغو ائدیلمه لی، بو میللی فعالی ایشکنجه ائدیب توتساق ساخلایانلار جزالاندیریلمالیدیرلار.
یاشاسین گونئی آذربایجان آزادلیق حرکاتی
آزربایجان اویرنجی حرکاتی- آذوح
گونئی آزربایجان دئموکرات پارتیاسی- گادپ
10 مرداد 1396
Ortaq bildiri: milli fəal "Həbib Sasaniyan"-ın azadlığına çağırış
İran rejimi qeyri fars millətlərə o cümlədən Azərbaycan türk fəallarına qarşı olan basğısı davam edir. Bu şovinist rejim keçən 40 il içində muxalif olan siyasi fəallara qarşı əlindən gələni əsirgəməmış onları ağır işkəncələrə məəruz qoyur, uzun müddətli həbslər verir, yeri gəlirsə vətən övladlarını şəhid etəmişdir.
Həbib Sasaniyan, vətənin mübarız igidi, aclıq aksiyasındadır. İran qəddar rejimi bu milli fəalı "Azərbaycan toprağından müdafiə etmək"ilə suçlandırır! ağır işkəncələr vermişdir. İran rejimi bu vasitəilə bir daha göstərmişdir ki İran adlanan ölkədə türk olmaq və Azərbaycanı sevmək, suçdur.
Həbib Sasaniyan 51 gündür dim dik ayaqda, "sən çağırsan gələrəm mən, eybi yoxdur ölərəm mən, sən yaşa Azərbaycan" şuarını canlandırır dustaqda. Və nə yazıq ki dünya ictimaiyyatı və uluslar arası insan haqlarını müdafiə edən təşkilatlar milli fəalımızın ağır vəziyəti haqda laqeyd qalmağı seçmişlər.
Fars şovinizmin bizim millətə amansızcasına düşmançılığı 100 ildir davam edir, ancaq bu ağır basğılara rəğmən milli hərəkətimiz hər zamandan artıq güclüdür. İran rejimi çox yaxçı bilir ki bizim igid və millətin-sevən qəhraman milli fəallarımızın iradəsini heç bir təzyiq sarsıdabilməz.
Qəhraman mübariz, Həbib Sasaniyan bəy, sizin kimi igid mübarizlər vətənin azadlıq nəğməsidir. Ancaq, nəzərə alın ki sizin varlığız və sağlığız hər nə dən öncədir. Azadlıq savaşımızda sizin kimi igidlər olmazsa vətən toprağı işğal altında qalacaqdır. Sizdən rica edirik vətən üçün, millət üçün, azadlığımız üçün aclıq aksiyasını dayandırın. Sizin vətən uğrunda mübarizə və savaşda aldığız yaralar və acılar heç zaman unutulmayacaqdır.
Biz Azərbaycan siyasi təşkilatları milli fəallara veriln ağır həbs cəzalarını şiddətlə qınayır, tutsaq milli fəalların qeyd şərtsiz azadlığını tələb edirik. Həbib Sasaniyan-a veriln məhkəmə qərarları dərhal ləğv edilməli, bu milli fəalı işkəncə edib tutsaq saxlayanlar cəzalandırılmalıdırlar.
Yaşasın Güney Azərbaycan azadlıq hərəkatı
Azərbaycan öyrənci hərəkatı- AZOH
Güney Azərbaycan demokərat partiyası- GADP
01-08-2017
