GÜNEY AZƏRBAYCAN TƏŞKİLATLARI İŞBİRLİYİ MƏRKƏZİNİN
BİLDİRİSİ
Dəyərli Azərbaycan Türk Milləti!
Bildiyiniz kimi Güney Azərbaycan Milli Hərəkətına mənsub 9 təşkilatın birgə təşəbbüsü ilə
17.7. 2021-ci il tarixdən etibarən Güney Azərbaycan Təşkilatları İşbirliyi Mərkəzi fəaliyyətə başlayıb.
Bu qurumun yaradılmasının əsas məqsədi milli hərəkatla ilgili ortaq məşvərət və müzakirələr aparmaq, Güney Azərbaycanla bağlı aparılan fəaliyyətlərə birlikdə dəstək vermək, bildirilər yaymaq, çağırışlar etmək və kordinə olunmuş şəkildə təşkilatlararası işbirliyinə nail olmaqdan ibarətdir. Güney Azərbaycan Təşkilatları İşbirliyi Mərkəzi ortaq qərarla özünün 14 maddəlik fəaliyyət prinsiplərini və iç düzüyünü hazırlamış və bu əsasda da dəfələrlə Güney Azərbaycan Milli Hərəkatı ilə bağlı birgə bəyanat, bildiri və çağrışlara imza atmışdır.
Güney Azərbaycan Təşkilatları İşbirliyi Mərkəzi davamlı olaraq iclaslarını keçirir, Güney Azərbaycanla bağlı gündəmdə olan məsələləri ortaq müzakirəyə çıxarır və zəruri olduğu halda qərarlar qəbul edir. Məlumat üçün bildirmək istərdik ki, mərkəzə üyə təşkilatlardan biri olan GAMOH 24.3.2022-ci il tarixdə öz istəyi ilə bu qurumdan ayrılmışdır. Hazırda Güney Azərbaycan Təşkilatları İşbirliyi Mərkəzində 8 təşkilat təmsil olunur və bu qurum öz fəaliyyəti ilə bağlı davamlı olaraq millətimizə bilgi verəcəkdir.
Güney Azərbaycan Təşkilatları İşbirliyi Mərkəzi üyələri:
Azadlıq Cəbhəsi (GAMAC)
Azərbaycan Mərkəz Partiyası (AMP)
Azərbaycan Milli Dirəniş Təşkilatı (Dirəniş)
Azərbaycan Öyrənci Hərəkatı (AZOH)
Güney Azərbaycan Demokrat Partiyası (GADP)
Güney Azərbaycan İstiqlal Partiyası (GAİP)
Güney Azərbaycan Liberal Demokrat Partiyası (GALDP)
Güney Azərbaycan Demokratik Türk Birliyi (GADTB)
28.3.2022
گونئی آذربایجان تشکیلاتلاری ایشبیرلیگی مرکزینین
بیلدیری‌سی
دیرلی آذربایجان تورک میللتی!
بیلدیینیز کیمی گونئی آذربایجان میللی حرکتینه منسوب ۹ تشکیلاتین بیرگه تشببوسو ایله ۱۷.۷. ۲۰۲۱-جی ایل تاریخ‌دن اعتباراً گونئی آذربایجان تشکیلاتلاری ایشبیرلیگی مرکزی فعالیته باشلاییب.
بو قورومون یارادیلماسینین اساس مقصدی میللی حرکاتلا ایلگی‌لی اورتاق مشورت و موذاکیره‌لر آپارماق، گونئی آذربایجانلا باغلی آپاریلان فعالیتلره بیرلیک‌ده دستک وئرمک، بیل‌دیریلر یایماق، چاغیریشلار ائتمک و کوردینه اولونموش شکیل‌ده تشکیلاتلاراراسی ایشبیرلیینه نایل اولماق‌دان عبارت‌دیر. گونئی آذربایجان تشکیلاتلاری ایشبیرلیگی مرکزی اورتاق قرارلا اؤزونون ۱۴ مادده‌لیک فعالیت پرینسیپلرینی و ایچ دوزویونو هازیرلامیش و بو اساس‌دا دا دفعه‌لرله گونئی آذربایجان میللی حرکاتی ایله باغلی بیرگه بیانات، بیل‌دیری و چاغریشلارا ایمضا آتمیش‌دیر.
گونئی آذربایجان تشکیلاتلاری ایشبیرلیگی مرکزی داوام‌لی اولاراق ایجلاسلارینی کئچیریر، گونئی آذربایجانلا باغلی گون‌ده‌م‌ده اولان مسئله‌لری اورتاق موذاکیره‌یه چیخاریر و زروری اولدوغو حال‌دا قرارلار قبول ائدیر. معلومات اوچون بیل‌دیرمک ایستردیک کی، مرکزه اویه تشکیلاتلاردان بیری اولان گاموح ۲۴.۳.۲۰۲۲-جی ایل تاریخ‌ده اؤز ایسته یی ایله بو قوروم‌دان آیریلمیش‌دیر. حاضیردا گونئی آذربایجان تشکیلاتلاری ایشبیرلیگی مرکزین‌ده ۸ تشکیلات تمثیل اولونور و بو قوروم اؤز فعالیتی ایله باغلی داوام‌لی اولاراق میللتیمیزه بیلگی وئره‌جک‌دیر.
گونئی آذربایجان تشکیلاتلاری ایشبیرلیگی مرکزی اوی‌لری:
آزادلیق جبهه‌سی (گاماج)
آذربایجان مرکز پارتییاسی (آمپ)
آذربایجان میللی دیرنیش تشکیلاتی (دیرنیش)
آذربایجان او̈یرنجی حرکاتی (آزوح)
گو̈نئی آذربایجان دئموکرات پارتییاسی (گادپ)
گو̈نئی آذربایجان ایستیقلال پارتییاسی (گایپ)
گو̈نئی آذربایجان لیبئرال دئموکرات پارتییاسی (گالدپ)
گو̈نئی آذربایجان دئموکراتیک تو̈رک بیرلیگی (گادتب)
۲۸.۳.۲۰۲۲
