تورکیه‌نین چاناککاله شهرینده ۴۴ گونلوک قاراباغ ظفری و آذربایجانین بایراق گونو تنتنه‌لی شکیلده قئید ائدیلدی
تورکیه‌نین چاناککاله شهرینده ۴۴ گونلوک وطن موحاربه‌سی ظفری گونو و آزربایجان جومهوریتی‌نین دؤولت بایراغی گونو موناسیبتیله تنتنه‌لی مراسیم کئچیریلیب. تدبیرده ایشتیراک ائدن تورکیه و آزربایجان وطنداشلاری میللی بیرلیگین و قارداشلیغین نومونه‌سینی گؤستریبلر.
بو اهمیتلی تدبیر، آزوح (AZOH) تشکیلاتینین منسوبو و تورکیه تمثیلچیسی آرش مکاریدوست طرفیندن تشکیل اولونوب. مراسییمه قاتیلانلار اساساً تورکیه و آزربایجان وطنداشلاریندان عیبارت اولماقلا، هر ایکی اؤلکه‌نین بیر-بیرینه اولان دسته‌یینی و اورتاق میللی ده یه رلرینی بیر داها نوماییش ائتدیریبلر.
تدبیری‌نین اساس چیخیشچیلاریندان اولان آرش مکاریدوست اؤز نوطقوندا ۴۴ گونلوک قاراباغ موحاربه‌سی‌نین تاریخی اهمیتینی وورغولاییب. او، ظفر گونونون خالقیمیزین نئجه بیرلیک و برابرلیک ایچینده اولدوغونو بوتون دونیایا گؤستره ن بیر سیموول اولدوغونو قئید ائدیب. مکاریدوست، میللی روحون و بیرگه موباریزه‌نین بو بؤیوک قله به نین الده اولونماسیندا حَللئدیجی رول اوینادیغینی بیلدیریب.
آرش مکاریدوست چیخیشی‌نین داوامیندا حاضیردا ایران رژیمینین زیندانلاریندا حاقسیز یئره حبسده اولان میللی فعاللارین مؤوضوسونا توخونوب. او، ایشتیراکچیلارلا همین محبوسلارین جسارت دولو موباریزه‌سی و آپاردیقلاری آجلیق آکسییاسی حاققیندا معلوماتلاری پایلاشیب. مکاریدوست، بو میللی فعاللارین میللی حاقلار اوغروندا موباریزه‌سی‌نین داوام ائتدیگینی و اونلارین موقاویمتی‌نین خالق اوچون موهوم بیر اؤرنک اولدوغونو دیققته چاتدیریب.
تدبیر، تورکیه و آزربایجان آراسینداکی سارسیلماز قارداشلیق موناسیبتلری‌نین، هابئله میللی شوعورون و بیرگه موباریزه عزمی‌نین گوجونو بیر داها تصدیقله‌دی.
