...دئییرلر
بئنووشه'لر
قیزیل گولر
یاسمن لر
عطیرلرین قرنفیل گولرین پای گوندریبلر
آسیا و
آفریقادان اولان توم گوورتیلر
یاشلیغین قرنفیل گولرینه
ارمغان ائدجکلر.
داغلار و
داشلار و
قایالار،
و قالالار توم اوجالیغلارین، یوکسکلیکلرین،
و برکیلیکلرین
قرنفیل گولونون بوداغلارینا
بورج وئرجکلر.
اوکیانلار،
دنیزلر،
چایلار و
بولاغلار دامارلاریندا آخاجاکلار
و استوا ایستیلیگی،
قرنفیل یوردوندا شاختا سالمیش
قارتیمیش قارا قیش شاختاسینی أریدجک...
... و دئییرلر!!!
امما سن،
قلمینی و
قوپوزونو سوسدورما
اولوسونون دردینی یاز و اوخو
اؤزگور قرنفیل
🖊سونقار
