پاییز گلیر، ساری یاپراق
آغاج گینه لوت قالاجاق.
اؤگرنجی تورک بالاسی
"لهجه‌لی" سؤز،
دانیشاجاق!.
منیم دیلیم ائومیزده‌دی
تاقچامیزدا، گیزلینده‌دی
بیر "لهجه‌سیز"دیلیم‌واردی
دوستاقدا‌دی،
یاساق‌دا‌دی.
گل دئیرم "بیا" اولور
گئت دئیرم"برو" اولور
یاد دیلینده قونوشاندا
دیلیم چؤنمور، لهجه‌ام اولور.
یاشیل باغدا،گؤزل بولبول
اوز دیلینده اوخویاندا
گؤر نه گؤزل،
گؤزل اولور
یاخشی سسی،
سؤزو اولور.
سن اوز دیلین، من اوز دیلیم
گل قونوشاق، گل دانیشاق
گؤرک هانسی دیلده شیرین،
شیرین، شیرین،
بال دادی اولور.؟
بیزیم دیلین آدی قالدی
تامسینمادیم دادی قالدی
بوغازیما آجی بادام
باسیلیب‌دی،
دادی وارمی.؟
