بیلدییمیز کیمی اوُرتا دوُغودا جریان ائدن گئرگینلیکلر هئر گوُن حساس ؤ تهلیکه لی حادیثۀ لرین باش وئرمۀ سی   قاچینیلماز اوُلدوُقدا ، قیزیشماقدا اوُلان محاربۀ نین باشلانماسی بیرآن مسئلۀ سی دیر، سوُزسوُزکی باشلاناجاق هئرهانسی حادیثۀ نین اصلی سببکاری سرسم لئشمیش تروُریست سپاه پاسداران ؤ راسیست تئهران موُللا رژیمی اوُلاجاق .  

بوُنودا بیلیریک کی حاکیم اوُلان تئهران رژیمی ایللردن بئری عرب اوُلکۀ لری داخیلیندۀ نفوذ ائدرئک میلیاردلار دوُلار پوُل صرف اتمئکلۀ گئنیش دینی تبلیغات لارا باشلاماقلا چئشیدلی تروریست گروُپلار اوُجوُملۀ دن حیزب الله گروُپلارین یارادیب ، مالییۀ لئشدیریب ، تعلیم وئریب سیلاح لاندیرمیشدیر، تشکیلات لانمیش جوُربۀ جوُر گئریجی ترورگروُپلارینین فیتنۀ کارلیق لاری ؤ تخریباتلاری آرا کئسیلمۀ دن داوام اتمئکدۀ دیر، بوُگوُن تئهران رژیمینین تروریست عمللری نین نمونۀ لرین دوُنیا آچیق آیدین گوُرمئکدۀ دیر.

چوُخداندیرکی بیرطرفدن تئهران موُللا رژیمی نین داخیلیندۀ خصوصی ایلۀ سپاهدا گیزلی آشکار جریان ائدن درین گرگینلیکلری نظردۀ آلماقلا ، باشقا طرفدن روُسییۀ ؤ آوروُپالی لارلا بیرلیکدۀ پان فارسلارین داخیلدۀ ؤ خاریجدۀ رژیمی قوُروُیوُب ساخلاماق هـدفی ایلۀ تلاشلارین نظردۀ آلارساق دئمئگ اوُلار کی هئلۀ لیک رسمی شئکیلدۀ محاربۀ نین باش وئرمۀ سی بیر آز رئال لیقدان اوُزاق گوُروُنوُر.

أگرگوُزلۀ نیلمز ، تهلیکۀ لی بیر حادیثۀ باش وئرسۀ ! آیدین دیرکی محاربۀ نین باشلانماسی قاچینیلماز اوُلاجاق محاربۀ باش وئردیگی حالدا ایلک ضربۀ لر نتیجۀ سیندۀ رژیمین بوُتوُن یئر آلتی ، یئر اوُستوُ نیظامی ؤ تسلیحات مرکزلری چوُخ قیسا زاماندا بئلکۀ دۀ بیرنئچۀ گوُن موُدتیندۀ داغیلیب محو اوُلاجاق ، بوُنوُ هم خامنه ای هم تروریست سپاه پاسدارانین باشچیلاری همدۀ رژیمی خاریجدن حیمایۀ ائدنلر روُسییۀ ، چین ، آوروُپا لیلار ؤ پان فارسلار چوُخ یاخشی بیلیرلر ؤ حال حاضیردا تشویش ؤ نیگرانچیلیق ایچیندۀ اوُلدوُقلاری حالدا رژیمی قوُروُماق اوُچوُن گئنیش فعالییت لرۀ باشلیاراق اینترنت دۀ ؤ تلویزیونلاردا جوُربۀ جوُر ایچی بوُش آزدیریجی تحلیلر اتمئکدۀ دیرلر.

رژیمین تحریک ؤ تخریبات لاری تیکرار اوُلدوُقوُ حالدا محاربۀ نین دۀ باش وئرۀ جئیی بیر قیغیلجیملا باشلانا بیلر، بوُ محاربۀ باشلانارسا داها 8 ایللیک ایران ، عراق محاربۀ سینۀ اوُخشار محاربۀ اوُلمییاجاق، چوُنکی نۀ اوُلکۀ داخینلدۀ نۀ خاریجی میللت لر آراسیندا اعتیباری قالمییب ، بوُ گوُن اوُرتا دوُغوُدا یاشییان میللت لر تئهران رژیمین بیر تروُریست، قاچاقچی، جینایتکار رژیم بیلیرلر ؤ بیر آن أوول بوُ رژیمین دئریلمۀ سین آرزوُ ائدیرلر، اوُستۀ لیک     هئر باخیمدان گوُجلوُ اوُلان آمئریکا دوُولتی نین دۀ سیاستی کئچمیشین عکسینۀ اوُلاراق دئیشیب ؤچوُخ سایدا جیددییتلی شخصییت لردوُشوُنرئک تئهران رژیمی نین یاراددیقی تحلیکۀ لر قارشیسیندا قودرتلۀ دوُروُبلار .

اوُستۀ لیک 40 ایللیک جوُر بۀ جوُر ظوُلملردن جینایت لردن جانا گئلمیش میللتلر هئرگوُن باش وئرۀ ن اعتراضلار ؤ اعتصابلار ؤ خامنۀ اییۀ قارشی وئریلن شعارلار رژیمین سارسیلماسیندان خبر وئریر، جنگ باش وئردیگی حالدا بوُ گوُنکوُ گئنج نئسیل خصوصی ایلۀ گوُنئی آذربایجان میللتی داها کئچمیش 8 ایللیک ایران ، عراق محاربۀ سیندۀ اوُلدوُقوُ کیمی اوُیدوُروُجوُ دینی ؤ ایرانچیلیق شعارلارا آلدانمییاجاقلار، ایراندا یاشییان آج ، ایش سیز محتاج میللت لرنۀ اینکی رژیمدن مودافعۀ اتمییۀ جئکلر ، بئلکۀ هئر میللت یارانمیش فرصت دن ایستیفادۀ ائدیب ، اوُز سرنویشت لرینۀ حاکیم اوُلماق اوُچوُن رژیمین عوُمروُنۀ سوُن قوُیاجاقلار ؤ آزادلیق قوُرتوُلوُش یوُلوُندا بیرلئشیب ایچدن چوُروُموُش رژیمی آرادان قالدیراجاقلار، بوُنوُ موُللا لار اوُزلری دۀ یاخشی بیلیرلر.

یوُخاریدا قئید اوُلوُنموُش قیسا شرحی نظردۀ آلاراق ، گوُنئی آذربایجانین میللی فعاللاری قارشیسیندا چوُخ بوُیوُک ؤ اوُنئملی میللی ؤظیفۀ لر قرارتوُتوُر، یعقین کی میللی تشکیلات لاریمیز زامانین حساسییتین درک ائدیب دوُشوُنمئکدۀ دیرلر، آذربایجان میللتی اوُیانمیش بیر میللت دیر ، أگر قان وئرۀ جییک سۀ گوُنئی آذربایجانین آزادلیقی ، قوُرتوُلوُشوُ یوُلوُندا اوُلمالی دیر ؤ باش وئرۀ جئک حادیثۀ لرین قارشیسیندا تشکیلات لاریمیز لازیم اوُلان تدبیرلری آلاجاقلار ، اوُنوُدمییاق کی وطنیمیز آذربایجانین أراضی لرینین هاردان هارا اوُلدوُقوُن تانییاق ، توُرک کیملیگیمیزی منیمسیئک ، آذربایجان توُرک میللتی اوُلدوُقوُموُزا فخرائدئک ، چوُنکی آذربایجان ایران دئییر، بوُنا ایناناق ؤ فخر ائدئک . 20 / 5 / 2019 ــ آذرخش