Yarı Hənək – Yarı Dəyənək

Bir test gəlir çox bədəvi , adı bəsəndə

əlində buçaq dil kəsəcək sən deməsəndə

fars olmayanı fars edəcək vay nə bəla imiş

fars olmayan o haqq dilini farsla kəsəndə

heç qoymayacaq Türk , Bəluçla Ərəb olsun

ver yellər aparsın belə ki farsca əsəndə

heç eetraz olmaz ! bunu təşviq edəcəksən

mən bədəvi qoydum ad ona , indi de səndə

bu bir porijə olsada o bəthaiyi bəy-dən

onun kilidi sən diyəsən , məşdi Həsəndə

qəm etmə Eşilbax belə mehrin biri gəlsə

təhrim edəcək millət inan gəl dee həə səndə

Eşilbax 02.06.2019

بیر تست گَلیر چوخ بَدَوی ، آدئ بَسَنده

اَلینده بوچاق دیل کَسَجَک سن دئمَسَنده

فارس اولمایانئ فارس اِدَجَک وای نه بَلا ایمش

فارس اولمایان اُ حاقق دیلنی ، فارسلا کَسَنده

هئچ قویمویاجاق ترک ، بلوچلا عرب اولسون

وئر یئللر آپارسئن بیله کی فارسجا اَسَنده

هئچ اعتراض اولماز بونو تشویق اِدَجَکسن

من بَدَوی قویدوم آد اونا ، ایندی ده ، سنده

بوو بیر پُریژه اولسادا اُ اَبطهی بَی دن

اونون کیلیدی سن دییَسن مشدی حَسنده

غم اِتمه اِشیلباخ بیله مهرین بیری گَلسه

تحریم اِدَجَک مللت اِنان گَل دِ ، هَه ، سنده

اِشیلباخ 02.06.2019