گوُنئی آذربایجان میللتی نین آزادلیق قوُرتوُلوُش اوُغروُندا یوزایلدن آرتیق موُبارزۀ تاریخی وار، بو موُبارزۀ گاه سیلاحلی ؤ گاهدا بوُگوُنکوُ چاغیمیزدا دوُنیانین سیاسی شرایطینۀ اوُیغوُن اوُلاراق     سیلاح سیز مدنی شئکیلدۀ داوام اتمئکدۀ دیر.

شوُروی سیستمینین داغیلماسی ؤآردینجا گوُنئیدۀ میللی اوُیانیش نتیجۀ سیندۀ باشلانمیش موُجادیلۀ بیردن بیرۀ یارانمیش بیرحادیثۀ دئییر، بوُ موجادیلۀ نین ریشۀ لری اوُن ایللردن بئری بوُگوُنوُموُزۀ قئدرباشلانیب داوام ائدرئک درینلئشدیکجۀ گوُنئی آذربایجان میللتی نین آمالینا چئوریلمیشدیدر، مدنی موجادیلۀ نین أساس هـدف لرین تشکیل وئرۀ ن یوُز ایلدن آرتیق تاریخۀ دایانیر، هـدف گوُنئی آذربایجاندا میللی موُستقیل دوُولت قوُرماقدان عیبارت دیر.

بیلدیمیزکیمی گوُنئی آذربایجان توُرکلرینین موجادیلۀ سی تاریخ بوُیوُ چوُخلوُ قانلی بلالی یوُللاردان کئچیب نئسیلدن نئسیلۀ داوام ائدیب ، آتا بابالاریمیزین باشدان کئچیردیکلری آغیر تجروُبۀ لر بوُگوُن یوُلوُموُزا ایشیق سالان بیر چیراغ کیمی دیرکی همان تجروُبۀ لردن بوُگوُنکوُ جاوان نئسلیمیز ایستسفادۀ اتمئلی دیر.      

بوُگوُنۀ قئدر فارس فاشیست حاکیمییت لرینین باشدا گئلن هـدفـلری هئرفرصت دۀ آذربایجان توُرکلرین یوُخ اتمئک ؤ یا فارسلاشدیرماق اوُلموُشدوُر، فارس فاشیسمینین خاریجدۀ اوُلان قوُیروُقلاری داخیلدۀ ؤ خاریجدۀ فعالییت گوُسترن گوُنئی آذربایجانین میللی فعاللارینا، گروُپلارینا ، تشکیلاتلارینا ، شخصییت لرینۀ قارشی جوُربۀ جوُر ایتهاملار وُرماقدا ؤ توُرک وارلیقین انکار اتمئکلری هئلۀ دۀ داوام ائدیرلر.

بوُناگوُرۀ دۀ بوُگوُنکوُ پروُسئس میللی حئرکاتین آغیر دوُنئمی دیر، بوُنوُنلا بئلۀ اوُمید ائدیریک میللتیمیز تاریخین بوُ بوُیوُک سیناغیندان باشی اوُجالیقلا ظفر قازانسین ، ائلۀ بوُنا گوُرۀ دۀ آزادلیقا ، ایستیقلالییتۀ اینانمیش میللی تشکیلاتلار، گروُپلار، شخصییتلریمیز اوُزاقدا یاخیندا واحید شعار اوُغروُندا بیرلیکدۀ چالیشمالی ؤ فعالییت اتدیکلری تشکیلات لاری داها آرتیق گوُجلئندیرمئلی ؤ آیری سئچگیلیگۀ سوُن قوُمالی دیرلار.                      

علاؤۀ اوُلاراق گوُنئی آذربایجانین یئنی چاغدا باشلانمیش میللی حئرکاتینین اوُزللیگی بوُندا دیرکی نۀ داخیلدۀ نۀ خاریجدۀ هئچ بیر دوُولتۀ ؤ یا ساغچی، سوُلچوُ، دینچی حیزب، گروُپ یا شخص لرۀ باغلی دئییر ؤ باغلی اوُلماسی دا گئرئک دئییر، چوُنکی میللتیمیز یوُز ایللیک پروُسئسدۀ باغلیلیقین آجی فاجیعۀ لی ضرر ؤ زیانلارین گوُروُب ؤ تجروُبۀ اتمیشدیر، بوُنوُنلا بئلۀ میللی حئرکات آدیندان بئللی اوُلدوُقوُ کیمی بوُتوُن عقیدۀ لرۀ ، دینلرۀ ، مذهـب لرۀ حوُرمت لۀ یاناشمالی دیر.

حئرکاتین أساس ؤ تعیین ائدیجی مرکزی داخیلدۀ اوُلدوُقوُنا گوُرۀ ، مختلیف ساحۀ لردۀ تصمیم توُتوُب ایجراء ائدنلردۀ ألبتۀ کی داخیلدۀ اوُلان فعاللارین عهدۀ سیندۀ دیر، آمما خارج دۀ فعالییت گوُسترن شخصلر یا تشکیلاتلار ؤ گروُپلار میللی حئرکاتین آرخاسیندا دوُرماقلا حئرکاتین حاق سئس لرین دوُنیا ایجتیماعییاتینا ؤ بین ألخالق قوُروُم ؤ قوُروُلوُشلارا چاتدیرماق خاریجدۀ اوُلان فعاللارین ؤظیفۀ لریندن بیری دیر، خاریجدۀ اوُلان چوُخ سایدا میللی فعاللاریمیز آز چوُخ بوُ ؤظیفۀ لرینۀ عمل اتمیشلر کی تقدیرۀ لایق دیرلار.      

داها اوُنئملی مسئلۀ لردن بیری دۀ گوُنئیدۀ ؤطن ، میللت آزادلیقی اوُچوُن صداقتلۀ اوُریی لری چیرپینان آذربایجانین میللی مفکوُرۀ لی بازار تاجیرلرین " میللی بوُرژازینی" دین خادیم لرین میللی حئرکتین آرخاسیندا دوُرماق اوُچوُن، اوُنلارلا ایرتباط لار قوُروُب ، حئرکاتی گوُجلئندیرمئگ اوُچوُن اوُنلاری تشویق اتمئک اوُنئملی ؤ لازیم اوُلان ضرورت لردن دیر.

ایلک باشدان قئید اتمئک لازیم دیرکی میللی آزادلیق حئرکاتینین هـدفـی گوُنئی آذربایجاندا سئکولار، لائیک ، دموکراتیک دوُولت یارادماق أصلی مقصد اوُلدوُقوُنا گوُرۀ ، طبیعی دیرکی داخیلدۀ آکتیو اوُلان فعاللاریمیز تلاش اتمئلی دیرلر کی باجاردیقلاری قئدر ایشچیلری ، کئندچیلری ، اینجۀ صنعت خادیلرین ، اوُیرتمنلری " معلیم لری" ایدمان ساحۀ سیندۀ آذربایجانی تمثیل ائدنلری ، هابئلۀ گوُنئی آذربایجانین 50% فایز نفوُذوُن تشکیل وئرن شئهرلردۀ ؤ کئنلردۀ مختلیف ساحۀ لردۀ چالیشان زحمتکش قادینلاری میللی حئرکاتا جلب اتمئک لازیم دیر، چوُنکی میللی حئرکت بوُتوُن آذربایجان میللتی نین دیرچئلیش ، آزادلیق حئرکاتی اوُلدوُقوُنا گوُرۀ گئنیش کوُتلۀ لرین ایشتیراکینا احتیاجی وار، هابئلۀ سیلاحلی قوُوۀ لردۀ خیدمت ائدن اوُریی لری آذربایجان عشقی ایلۀ چیرپینان نیظامی قوُوۀ لردۀ آز دئییرلر، اوُنلار أمنییتی باخیمدان آچیقجاسینا حئرکاتا قوُشوُلا بیلمۀ سۀ لردۀ ، لاکین آذربایجانین اوُلاد لاری دیرلار ؤ همدۀ اوُز وطن لرین سئویرلر کی ألبتۀ ایستیثنالاردا وار .

ـ میللی حئرکاتین مرامی توُرکلوُک ؤ آذربایجانچیلیق مفکوُرۀ سی دیر، بوُ بیرلیگین أساس شرط لریندن اوُلمالی دیر .                                                                                                                          

ـ تشکیلات لاردا مالی مسئلۀ نین دوُروُموُ قناعت بخش اوُلمالی دیر، چوُنکی پوُل سوُز تشکیلات ایدارۀ اتمئک اوُلماز، مالی مسئلۀ هئرتشکیلاتین فعالییت لریندۀ اوُنئملی نقشی وار، بوُناگوُرۀ دۀ تلاش اتمئک لازیم دیرکی کوُنوُللو شخص لردن مالی یاردیم توُپلاماقی بیر ضروُرتلی ؤظیفۀ بیلمئک لازیم دیر.

ـ میللی حئرکت دۀ ؤ تشکیلات دا قادینلارین کوُنوُللوُ ایشتراکی جیددی مسئلۀ لردن اوُلدوُقوُنا گوُرۀ بوُ بوُیوُک پوُتانسیالی تشکیلاتا جلب اتمئک لازیم دیر.

ـ ایللردن بئری خاریج اوُلکۀ لردۀ فردی یا جمعی شئکیلدۀ فعالیت ائدن شخصلر یا تشکیلات لارین أن بوُیوِک بلاسی بیلرئک دن یا بیلمییئرکدن دوُچار اوُلدوُقلاری بلالاردان بیری دۀ خوُد خواهلیق یا ائدنلری دوُشمان سایماق دیر، بیرحالداکی اوُلوُنان اینتیقاد لارا دوُزوُملوُ ؤ منطیقلی اوُلماق لازیم دیر، اینتیقادلاری قبوُل ائدیب نقصانلاری آرادان قالدیرماق لازیم دیر، اینتیقادا قارشی دوُرماق تهلیکۀ لی دوُورانیش اوُلماقلا ، نهایت دۀ تشکیلات لارین داغیلماسینا ؤ یا پارچالانیب پاسیف اوُلماسینا سبب اوُلار، منطیق حوُکم ائدیرکی ایللرین تجروُبۀ لریندن ایستیفادۀ ائدیب تشکیلاتی گوُجلئندیرمئگ اوُچوُن حقیقی ؤ منطیقلی اینتیقادلاری قبوُل ائدیب نقصانلاری آرادان قالدیرماق لازیم دیر.

ـ آذربایجانچیلیقا ، توُرکچوُلوُگۀ ، قوُرتوُلوُش مفکورۀ سینۀ صمیمییت لۀ اینانمیش اینسانلار هئرهانسی شخصییت ، گروُپ ، تشکیلاتدا فعالییت ائدسۀ لردۀ ، اوُنلار خائین یا دوُشمان اوُلا بیلمزلر. 30 ایلد آرتیق خاریج اوُلکۀ لردۀ میللی تشکیلات لارین قوُروُلوُب بیرموُددت سوُنرا داغیلماسی ، مالی مسئلۀ نین ضعیف لیگی ؤ منم منم لیک باشدا گئلن نقصانلاردان دیر.

غ ـ ش ـ آذرخش . 2 / 11 / 2019