1917 ینجی ایلدۀ باش وئرن بوُلشویک اینقلابی روُس جامعۀ سیندۀ بوُیوُک سیاسی ، ایقیصادی، ایجتیماعی ؤ فرهنگی دئیشیک لیکلرۀ سبب اوُلدوُ، همان چاغلاردا یاشییان توُپلوُم ؤ تزارلار ظوُلموُندن جانا گئلمیش زحمتکش کئندلی و فئهلۀ ایشچی لر اوُچوُن بیر قوُرتوُلوُش یوُلوُ کیمی آلقیشلانسادا ، لاکین آز زامان کئچمۀ دن لئنینین ؤ ایستالینین أمری ایلۀ (پروُلتاریا)دیکتاتوُرلوُقوُنا چئوریلدیکدن سوُنرا آردینجا پلیس تفتیشلری ، توُتوُقلامالار سوُرعتلی اعداملارگیزلی آشکارباشلادی ، فرقلی عقیدۀ ؤ دوُشوُنجۀ لری اوُلان یوُزمینلرلۀ اینسانلارسیبیر بوُزداغلارینا سوُرگوُن ائدیلیب یوُخ اوُلوُندوُلار، بئلۀ لیکلۀ گئت گئدۀ روُس فاشیزمی ؤ پروُلتاریا دیکتاتوُرلوُنوُن گیزلی اوُزوُ آشکاراوُلدوُ بوُ فاجیعۀ 74 ایل داوام اتدیکدن سوُنرا نهایت 1990 ینجی ایلدۀ دئمیر پردۀ لرآرخاسیندا گیزلۀ دیلمیش کرملین حاکیم لرینین پرولتاریا دیکتاتوُرلوُقوُنوُن ماهییتی ؤ کمونیست رهبرلرینین وسیلۀ سی ایلۀ باش وئرمیش سانسیز حئسابسیز جینایت لردۀ اوُزۀ چیخدیقدا دوُنیا میللت لرین حئیرتۀ سالدی ؤمارکسیسم ، اینترناسیونالیسم ؤ پروُرلتاریا دیکتاتوُرلوُقوُنوُن میللت لری آراسیندا، ایفلاسا اوُغراماسینا سبب اوُلدوُ.

بوُ ایفلاس نتیجۀ سیندۀ میلیونلارلا صداقتلی آمما آلدانمیش اینسانلارین خئیال ؤ روُیالاری پوُچا چیخدی ؤ گوُزل گئنجلیک چاغلاری نین نئجۀ بوُ یوُلدا هئدرۀ گئتمۀسینۀ أفسوُسدان باشقا بیر شئی قالمادی، آردینجا توُپلوُ شئکیلدۀ اوُز لرین ؤ دوُشوُنجۀ لرین همان آلدادیجی قفس دن قوُرتاریب ، یئنی دن میللی مفکوُرۀ أساسیندا ساغلام دوُشوُنمئگۀ باشلادیلار، خصوصی ایلۀ گوُنئی آذربایجاندا یئنی میللی حئرکاتین دیرچئلیشینۀ یوُل آچدی.  

آمما تأسوُفلۀ هئلۀ دۀ بیر تعداد اینسانلار وار کی اوُزلرین ؤ دوُشوُنجۀ لرین پوُچاچیخمیش مارکسیسم ؤ پرولتاریا دیکتاتوُرلوُقوُنوُن خستۀ لیگیندن قوُرتارا بیلمۀ میشلر ؤ هئردن دۀ فیکیرلرین داغا داشا دیرماشدیریب مارکسیسمۀ کمونیسمۀ برائت قازاندیرماق ایستۀ یرلر، یعنی دوُشدوُکلری درین قوُیوُدان چیخا بیلمیرلر یا چیخماق ایستۀ میرلر! ؟ درین قوُیوُنوُن دیبیندۀ اوُلان اینسان دوُنیانی همان قوُیوُنوُن آغزینین حلقۀ سی بوُیدا گوُرۀ بیلر، آمما قوُیوُدان چیخدیقدا دوُنیانین بوُتوُن گوُزللیکلرین گوُرۀ بیلر.

(1) کئچمیش70ایلدن آرتیق تاریخدۀ چوُخ دئییرلی اینسانلار دفعۀ لرلۀ اوُز جانلارین عقیدۀ لری یوُلوُندا تهلیکۀ یۀ سالیب ؤ سوُنوُندا قوُربان وئرمیش همان بوُیوُک اینسانلارین روُحوُ قارشی سیندا گئرئک باش أئیمئک ، فریدوُن ایبراهیمی لر ، کاویانی لر، سیامک ، مبشری ، عزیزی نمینی لر ؤ یوُزلرلۀ شرفلی اینسانلاراوُز مراملاری یوُلوُندا هم پهلویلر ؤ هم دۀ ایسلام رژیمی چاغیندا فارس فاشیسمی ؤسیلۀ سی ایلۀ یاشاسین میللت یاشاسین آزادلیق دئییۀ شهامتلۀ ، قوُرخمادان اعدام اوُلوُندوُلار، روُحلاری شاد اوُلسون .

(2)41 ایل بوُندان قاباق ایران دئیلن یئردۀ آلدادیجی اینقلاب باش وئردی ، اوُ گوُندن بوُ گوُنۀ حاکیم اوُلان ایسلام رژیمی اینسانلارین دینی اینانجلاریندان سوُء ایستیفادۀ ائدیب یالان ؤ ایچی بوُش خرافی وعدۀ لرلۀ رنگارنگ موُللالارین حمایۀ سی خامنه ای باشدا اوُلماقلا همان فاشیست لئنین ؤ ایستالینین قانلی یوُلوُنا ایسلام پالتاری گئییندیریب بوُتوُن اوُلکۀ نی ثروتلری ایلۀ بیرلیکدۀ منیمسییب، غارت ائدرئک داواملی اوُلاراق میلیونلارلا آزاد ؤ فرقلی دوُشوُنجۀ لی اینسانلاری زوُراکیلیق ، هئدۀ قوُرخوُ، حبس ، ایشکئنجۀ ، تجاوز، اعدام لار، اعتیاد ، آجلیق ، یوُخسوُللوق ، ایش سیزلیک ؤ بیر چوُخ باشقا بلالارا سوُروُکلئیب ؤ کیمسیۀ رحم اتمۀ دن دهشتلی فلاکت لری هئر گوُن آرتیرماقدا دیرلار.

(3) ریاکارلیقلا یارادیلمیش اینقلابین آجی نتیجۀ لرینۀ بوُگوُن شاهیدیک خامنه ای لئنین ؤ ایستالینین مقامیندا اوُنلاری شیعۀ بدلی دیر.

(4) (بیت رهبری) همان کرملینین تئهراندکی بدلی دیر.

(5) بسیج (مستضعفان) دئیلن تروُریست تشکیلات همان پروُلتاریا دیکتاتورلوُقوُنوُن ایسلامی بدلی دیر.

(6) تروریست ، قاچاقچی جینایتکار سپاه پاسداران همان قیرمیزی اوُردوُنوُن وحشی بدلی دیر.

(7) کئچمیش سوُویت (کا . گۀ . بۀ ) سینین بدلی بوُگوُنکوُ جوُر بۀ جوُرداها دهشتلی ایطلاعات اوُرگانلاری ؤ قوُروُلوُشوُن أمریندۀ اوُلان لباس شخصی لر دئیلئن لات لوُت لردیر.

(8) رژیمین حیلۀکار تبلیغات چیلاری مداح لار، روُضۀ خوانلار، هئرگوُن گوُبئلک کیمی یئردن باش قالدیرا قوُندارما زیارتگاهلار ؤ خادیملردیرلرکی أصلیندۀ جهالت مرکزلری دیرلر بوُجهالت مرکزلرینین گئلیرلرینۀ نظارت ائدیب قوُروُیان آیت الله لار ؤ ایطلاعات مأموُرلاری دیرلار.

(9) بوُنا گوُرۀ دۀ خامنه ای رژیمی نین ایسلامی رژیمی همان کرملین دیکتاتوُرلاری نین مارکسیست رژیمی نین داها وحشی ؤ حیلۀ کار کوُپییۀ سیدیر کی ایران ایسلام رژیم عنوانی ایلۀ میللت لرین حاق سئس لرین بوُغماقلا ظوُلم اتمئکدۀ دیرلر، بوُدوُرآجی حقیقت لردن قیسا بیر شرح .   آذرخش   19 / 4 / 2020