Yarı Hənək – Yarı Dəyənək
uşaq vurdı
sındırdı
sələdə yeddi qabı
anasının bu işə
qalmamışdı heç tabı
çün ki
yeddinci dəfə imiş
qabları o qırır-miş
sındırandan çox sora
zır ha zır , ağlıyırmiş
++++++++++
anası ! gəldi cana
and-içdi o sübhana
dedi : ən son kərədi
təpik vurdın güldana
+++++++++
Uşaq sözləri eşitdi
Gözlər doldu ! qeyitdi
Anasına söz verdi
Sınmaz : nə beş ! nə yetdi !
+++++++++
Anası çox sevindi
Qəlbi çırpdı , döyündi
Dedi ağıllı balam
Hər şey okeydi indi
++++++++++
Üstündən çox keçməmiş
Yarası heç bitməmiş
Yetdi boşqab sındırdı
Ağrıları ! itməmiş
+++++++++++
Məyus bala və ana !
Günah bu yan o yana
Bir çarə bulmaq gərək
And-içirəm qurana
++++++++++++
Diyə , ana bağırdı
Tək allahı çağırdı
Nə eyləyim ay allah
Balam sağır , sağırdı
+++++++++++
Bu iş böylə qalınca ?
Gəzim ! nədən dalınca
Gecə , gündüz çalışım
Könlüm mətləb alınca
++++++++++++
Nə isə ! ana çalışdı
Dərd , qəmə alışdı
Nətiycəsi maraqlı ?
Qın dəyişməz ! qalışdı !
+++++++++++
Ustub qın ilə gəlmiş
Hüceyrələri dəlmiş
Yerində çox möhkəmdir
Dəyişilməzlik iyimiş
+++++++++++
Yəni
Bəzi şeylər dəyişməz
Nə eyləsən gəlişməz
Sayqı durmaqı öyrənək
Soyuq dəmir əyişməz
+++++++++++++
Qızlıq-dan qalan qılıxdı
Burun axsa zılıxdı
Dəyişmək mümkün deyil
Yumurta ! doğulan-dan tılıxdı
20.09.2020 Eşilbax
یارئ هَنَک – یارئ دَیَنَک
اُوشاق واُوردو
سئندئردئ
سَلَده یتدی قابئ
آناسئنئن بو ایشه
قالمامئشدی هئچ تابئ
چوکو
یتدینجی دفعه ایمش
قابلارئ اُ قئرئرمیش
سئندنراندان چوخ سونرا
زئر ها زئر , آغلایئرمئش
آناسئ گلدی جانا
آند ایچدی اُ صبحانا
دِدی اَن سون کَرَدی
تَپیک واُوردون گلدانا
اوشاق سوزلری اِشیتدی
گوزلر دولدو قایتدی
آناسئنا سوز وئردی
سئنماز نه بئش ! نه یئتدی
آناسئ چوخ سئویندی
قلبی چئرپدئ , دُیوندی
دِدی آغئلئ بالام
هر شئی اُکی دی ایندی
اُستوندن چوخ کئچمه میش
یاراسئ هئچ بیتمه میش
یتدی بُشقاب سئندئردئ
آغرئلارئ ؟ اِیتمه میش
ماَیوس بالا و آنا
گناه ! بویان , اویانا
بیر چاره بولماق گرک
آند ایچَرَم قرانا
دییه , آنا باغئردی
تک اللاه ئ چاغئردی
نه ایلیم آی آللاه
بالام ساغئر ساغئردی
بو ایش بویله قالئنجا
گَزیم ندن دالئنجا
گئجه گوُندوز چالئشئم
کونلوم مطلب آلئنجا
نیسه ! آنا چالئدئ
درد , غمه آلئشدئ
نتیجه سی ماراقلئ
قئن دَیشمز , قالئشدئ
اُوستوب قئن ایله گلمیش
حُجیره لری دلمیش
یئرینده چوخ محکمدیر
دَیشلمَزلیک ئیئمیش
یعنی
چوخ شئی لر دَیشیلمز
نه ایلَسَن گلیشمز
سایقئ دورماق گرکیر
سویوق دمیر اَیشمز
قئزلئقدان قالان قئلئقدئ
بورون آخسا زئلئخدئ
دَیشمک ممکُن دَیل
یومورتا ! دوغولاندان تئلئخدئ
20,09,2020 اِشیلباخ
