یازار: قیریقوری پئتروف

حاضیرلایان: ابراهیم محمدزاده

اؤن سؤز

قیریقوری سپریدونوویچ پئتروف (سنپتربورگ 1886 – 1925 پاریس) ایرمینجی یوز ایل باشیندا روسیه نین ان تانینمیش کئشیشلریندن، ان چوخ اوخونان خالق یازارلاریندان بیریسی اییدی. گؤروشلری ندنی ایله کیلیسادان قووولدوقدان سونرا اؤزونو بوتونلوکله یازارلیغا وئردی؛ قزئتچی و خطیب اولاراق کوتله لری ائتکیلمه یی سوردوردو. فئوریه اینقیلابی گرچکلشدیگینده اؤلکه سیندن قاچماق مجبوریتینده قالدی، یوقوسلاویده گئچیردیگی سون ایللرینده بیر چوخ اثر یازدی، کونفرانسلار وئردی. اثرلری شوروی دؤنمینده اؤلکه سی روسیه ده یاساقلانمیشدیر آنجاق بولغاریستاندا و او ایللرده یئنی قورولان تورکیه ده ائتکیلی اولموش، دؤنمین آیدینلارینی ائتکیلمیشدیر.

آغ زانباقلار اؤلکه سینده کیتابی، پئتروفون فرقلی آرالیقلار ایله چیخدیغی فنلاند سیاحتلرینده کی نوتلاریندان اولوشموشدور. کیتاب، 1800 اونجو ایللرین سونلاریندا فنلاند خالقینین ایچینده اولدوغو دورومو، جهالتدن قورتولماق اوچون باشدا ژون ویلیام سنئلمان اولماق اوزره اولکه ده کی بیر اوووج فنلاندلی آیدینین آپاردیغی موجادله نی آنلاتیر. ایلک دفعه 1923 ایلینده بوسنیده چاپ اولونموش، قیسسا سوره ده بیر چوخ دیله چئوریلمیش؛ اؤزللیکله یوقوسلاویده، بولغاریستاندا و تورکیه ده یازارین لاب چوخ بینیلن اثری اولموشدور.آذربایجان تورکجه سینده حاضیرلانان الینیزده کی بو اثرده گئنل اوخویوجو کوتله سی ملاحظه اولوناراق، اویغون سوزجوکلرین ایستیفاده اولونماسینا دیقت ائدیلمیشدیر. آیریجا داها آنلاشیلیر اولماسی آدینا، کیتابین سونوندا سؤزلوکه یئر وئریلمیشدیر.

ابراهیم محمدزاده

https://app.box.com/s/o6l329khcvpqheath8h707ujzklt6rt8