Dəyərli soydaşlar:

21 Azər Güney Azərbaycan dövlətçilik gününün ,71 -ci il dönümündə, ortadoğunun bugünku ağır və acı durumunu və özəlliklə ortadoğunun yeni jeopolitik gəlişmələrini nəzərə alaraq, Güney Azərbaycanın durumunu dəyərləndirmək və milli birliyimizi qorumaq üçün bir araya gəlməyə qərar verdik.

Ümüd edirik Güney Azərbaycan milli siyasi təşkilatlarının bir yerdə olmaları, fikir paylaşımı və iş birlikləri, Güney Azərbaycan Milli Azadlıq Hərəkətinin daha güclənməsinə səbəb olsun. Ayrıca, Fars şovinizmin çirkin siyasətlərinə qarşı və siyasi məhbuslarımızdan himayə etmək üçün toplantıdan öncə şəhərin mərkəzində aksiya keçırır, İranın qeyri insani siyasətlərini şiddətilə qınayırıq.

Yer:Göteborg, Tuve Kültür Huset

Çağ: cumartesi 17 dekabr saat 12dən 22 dək

Yaşasın Azərbaycan Türk Milləti

Güc Birlikdədir

2016-11-29

- Azərbaycan Demokratik Birliyi- BİRLİK

- Azərbaycan Öyrənci Hərəkəti- AZOH

- Dünya Azərbaycanlıları Konqresi- DAK

- Güney Azərbaycan Demokrat Partiyası- GADP

- Güney Azərbaycan Liberal Demokrat Partiyası- GALDP

- Güney Azərbaycan Qurtuluş Partiyası- GAQP

- Güney Azərbaycan Sosyal Demokrat Partiyası

- Vahid Müstəqil Azərbaycan Cəbhəsi

دیرلی سویداش‌لار:

21آذر گونئی آذربایجان دؤولتچی‌لیک گونونون 71 -جی ایل دؤنومونده، اورتادوغونون بوگونکو آغیر و آجی دورومونو و اؤزل‌لیکله اورتادوغونون یئنی ژئوپولیتیک گلیشمه‌لرینی نظره آلا‌راق، گونئی آزربایجانین دورومونو دیرلن‌دیرمک و میللی بیرلیگیمیزی قوروماق اوچون بیر آرایا گلمه‌یه قرار وئردیک.

اومود ائدیریک گونئی آذربایجان میللی سیاسی تشکیلات‌لاری‌نین بیر یئرده اولما‌لاری، فیکیر پای‌لاشیمی و ایش بیرلیک‌لری، گونئی آذربایجان میللی آزادلیق حرکتی‌نین داها گوجلنمه‌سینه سبب اولسون. آیریجا، فارس شووینیزمین چیرکین سیاست‌لرینه قارشی و سیاسی مهبوس‌لاریمیزدان حیمایه ائتمک اوچون توپلانتی‌دان اؤنجه شهرین مرکزینده آکسیا کئچیریر، ایرانین قئیری اینسانی سیاست‌لرینی شیددتیله قیناییریق.

یئر:گؤتئنبورگ، تووئه کولتور هوسئت

چاغ: جومارتئسی 17 دئکابر ساعت 12دن 22 دک

یاشاسین آذربایجان تورک میللتی

گوج بیرلیکده‌دیر

2016-11-29

- آذربایجان دئموکراتیک بیرلیگی- بیرلیک

- آذربایجان اؤیرنجی حرکتی- آذوح

- دونیا آذربایجان‌لی‌لاری کونقرئسی- داک

- گونئی آذربایجان دئموکرات پارتیاسی- گادپ

- گونئی آذربایجان لیبرال دئموکرات پارتیاسی- گالدپ

- گونئی آذربایجان قورتولوش پارتیاسی- گاقپ

- گونئی آذربایجان سوسیال دئموکرات پارتیاسی

- واهید موستقیل آذربایجان جبهه‌سی